Dar es Salaam
Na Violet Tillya
Uongozi wa Wanawake Wakatoliki Tanzania (WAWATA) Taifa, umepiga marufuku matumizi yasiyoidhinishwa ya nembo yake hasa kwenye kutengeneza vitenge.
Taarifa iliyotolewa na Mwenyekiti wa WAWATA Taifa, Bi. Evelyne Ntenga imetangaza vita dhidi ya wafanyabiashara, wachapishaji na wauza vitenge vyenye nembo ya WAWATA bila idhini.
Bi. Evelyne alisema nembo hiyo imesajiliwa kisheria na matumizi yake bila idhini ni makosa.
“Nembo ya WAWATA imesajiliwa kisheria na BRELA tangu tarehe 21 Desemba mwaka 2007 kwa namba TZ/T/2007/32519, Daraja la 25 na kwa mara ya mwisho tumeihuisha tarehe 21/12/2024 kwa miaka 10 ijayo,” inasema taarifa hiyo.
Uongozi huo umetaja sheria inayolinda matumizi ya nembo hiyo kuwa ni Sheria ya Alama za Biashara na Huduma, sura ya 326 toleo la 2023 kifungu cha 31 na 32, kinachowapa haki ya kipekee kama wamiliki halali na kuwabana wanaokiuka.
Uongozi wa WAWATA Taifa umesema hakuna mtu, kampuni au kikundi kinachoruhusiwa kutumia nembo ya WAWATA bila idhini, pia utengenezaji, uchapishaji na uuzaji wa vitenge, vikoi, mitandio na fulana zenye nembo hiyo lazima upate idhini halali na kwamba kuanzia Oktoba 16, 2026, yeyote atakayebainika kukiuka atachukuliwa hatua kali za kisheria mahakamani!.
Uongozi wa WAWATA Taifa umetoa wito kwa umma na kuwaomba wanawake Wakatoliki nchi nzima kutoa taarifa za siri kwa uongozi huo kama wakiona vitenge feki vinauzwa sokoni.
Taarifa hiyo pia imepelekwa kwa Mwenyekiti wa Utume wa Walei wa Baraza la Maaskofu Katoliki Tanzania (TEC), Mhashamu Askofu Edward Mapunda, Katibu Mkuu wa TEC, Padri Charles Kitima na viongozi wengine.
Dar es Salaam
Na Mathayo Kijazi
Askofu Mkuu wa Jimbo Kuu la Dar es Salaam, Mhashamu Sana Jude Thaddaeus Ruwa’ichi, OFMCap, amekemea tabia ya baadhi ya waamini wenye uzembe, uoga na ulegevu katika imani kwa sababu wengi humkana Kristo na kuikataa imani yao hasa wanapokutana na watu wa imani nyingine.
Askofu Mkuu Ruwa’ichi -OFMCap, alitoa kauli hiyo katika homilia yake kwenye adhimisho la Misa Takatifu ya Sakramenti ya Kipaimara katika Parokia ya Mtakatifu Ambrosi – Tagaste, jimboni humo.
“Yesu ametupa onyo, ametuonya kwamba tuwe makini tusimkane, je, tunamkana Yesu kivipi? Tunamkana kwa kutopea katika dhambi, tunamkana kwa kuwa walegevu, tunamkana kwa kuwa wazembe, tunamkana kwa kuwa waoga. Wako Wakristo wengi wazembe na waoga. Wako Wakristo ambao wakiwa mbele ya watu wengine wa madhehebu mbalimbali, wanaikana imani yao,” alisema Askofu Mkuu Ruwa’ichi.
Aliongeza kuwa mwamini yeyote atakayemsaliti Yesu Krsito, Kristo naye atamsaliti mtu huyo mbele ya Malaika, akiwasisitiza kuzingatia hilo na kuepuka Kristo asiwakane wala asiwakatae katika maisha yao.
Aidha, Wakristo Wabatizwa wametakiwa kuitambua vema heshima, wito na hulka yao, huku wakiepuka kuwa kama wapagani katika kuiishi, kuilinda na kuitetea imani yao.
“Kwa hiyo kama Wabatizwa, tunayo hulka yetu, tunayo hadhi yetu, tunao wito wetu. Ewe Mbatizwa zingatia vema wito wako, hulka yako na heshima yako. Usikubali kuishi haidhuru haidhuru kama vile ungekuwa mpagani. Ishi imani yako, mshuhudie Kristo, mtangaze mbele ya walimwengu,” alisema Askofu Mkuu Ruwa’ichi.
Aliwasihi kila mmoja kuwa shahidi wa kweli katika kumshuhudia Kristo, hasa kuzingatia kile alichowaahidia kabla ya kuteswa, kufa na kufufuka kwake.
Askofu Mkuu huyo aliwakumbusha vijana waliopokea Sakramenti Takatifu ya Kipaimara kwamba kwa Sakramenti hiyo, wanakamilishwa katika Neema ya Ubatizo, akiwasisitiza kuitambua vema hadhi hiyo.
Aliwaalika kutambua kwamba kwa Sakramenti hiyo, hawaitwi tena watoto, bali watu wazima, kwani Roho huyo waliyempokea haikuwa kwa mara ya kwanza, bali ni kwa mara nyingine.
Aliwataka kuwa na ufahamu, uthubutu na utayari wa kuiishi Injili pamoja na kumtangaza Kristo, huku wakisimama imara kwa kushirikiana na Roho Mtakatifu waliyempokea ili atende kazi ndani yao.
Kwa upande wake Paroko wa Parokia hiyo, Padri Onesmo Ngonyani alimshukuru Askofu Mkuu Ruwa’ichi kwa kufika parokiani hapo na kuadhimisha Misa hiyo Takatifu, akiwapongeza vijana hao 150 kwa kupokea Sakramenti Takatifu ya Kipaimara.
Aidha, Paroko aliwashukuru Makatekista kwa kuwafundisha vijana hao hadi kufika hatua hiyo ya kupokea Sakramenti hiyo Takatifu, akiwasihi vijana kuendelea kudumu katika imani yao, huku wakishiriki katika mambo mbalimbali yanayohusu Kanisa.
Na Edvesta Tarimo
Maumivu ya mara kwa mara, kulazwa hospitalini, kukatiza masomo, gharama za matibabu na hofu ya maisha ya baadaye ni miongoni mwa changamoto zinazoweza kuambatana na maisha ya watu wenye ugonjwa wa selimundu.
Hata hivyo, nyuma ya maumivu yanayoonekana mwilini, kuna mzigo mwingine ambao mara nyingi haupewi uzito unaostahili; afya ya akili.
Kwa baadhi ya wagonjwa, changamoto haziishii katika maumivu ya mwili pekee, bali huambatana na huzuni, upweke, hofu, msongo wa mawazo na kupoteza kujiamini.
Kwa wazazi na walezi, safari ya kumhudumia mtoto mwenye ugonjwa huo inaweza pia kuathiri maisha ya familia, kazi na uwezo wa kumudu gharama za matibabu.
Kwa mujibu wa Shirika la Afya Duniani (WHO), takribani watu bilioni 1.2 duniani waliishi na tatizo la afya ya akili mwaka 2023, sawa na karibu mtu mmoja kati ya saba. Takwimu hizo zinaonesha ukubwa wa changamoto za afya ya akili duniani, ingawa hazimaanishi kuwa kila mtu mwenye selimundu atapatwa na tatizo hilo.
Selimundu ni nini?
Selimundu ni ugonjwa wa kurithi unaoathiri himoglobini, protini inayopatikana ndani ya chembe nyekundu za damu na inayosaidia kusafirisha oksijeni mwilini.
Kwa mtu mwenye ugonjwa huu, chembe hizo zinaweza kuwa na umbo la mundu, kukakamaa na kuziba mishipa midogo ya damu, hali inayoweza kusababisha maumivu makali na matatizo mengine ya kiafya.
Ugonjwa huu hutokea pale mtoto anaporithi mabadiliko yanayosababisha selimundu kutoka kwa wazazi wake. Kwa mfano, ikiwa baba na mama wote wana vinasaba vya selimundu, kwa kila ujauzito kuna uwezekano wa asilimia 25 mtoto kurithi ugonjwa huo, asilimia 50 kuwa na vinasaba vya selimundu bila kuwa na ugonjwa wenyewe na asilimia 25 kutorithi vinasaba hivyo.
Kwa mujibu wa ripoti ya Shirika la Afya Duniani (WHO), inakadiria kuwa mwaka 2021 watu milioni 7.74 duniani walikuwa wakiishi na ugonjwa wa selimundu, huku watoto wapya takribani 515,000 wakizaliwa na ugonjwa huo.
Karibu asilimia 80 ya watoto hao walizaliwa katika nchi za Afrika Kusini mwa Jangwa la Sahara, jambo linaloonesha uzito wa tatizo hili katika ukanda huo.
Tanzania: Maelfu ya watoto huzaliwa na selimundu kila mwaka
Kwa mujibu wa takwimu za Wizara ya Afya, idadi ya watoto wanaozaliwa na ugonjwa wa Selimundu nchini imeongezeka kutoka takribani watoto 8,000 hadi 14,000 kila mwaka, hali inayoifanya Tanzania kuwa miongoni mwa nchi zenye mzigo mkubwa wa ugonjwa huo Afrika na duniani.
Kwa mujibu wa taarifa iliyotolewa na Wizara ya Afya mwezi Juni 2025, Tanzania ni miongoni mwa nchi za Afrika zinazoshika takwimu za juu duniani ikishika nafasi ya nne kwa kuwa na idadi kubwa ya wagonjwa wa selimundu (selimundu) ikitanguliwa na Nigeria, India na Jamhuri ya Kidemokrasia ya Kongo.
Huku Takwimu za Shirika la Afya Dunia (WHO), zikionesha kuwa zaidi ya watoto 300,000 huzaliwa na Selimundu (Selimundu) kila mwaka duniani, Tanzania peke yake ikiwa na takribani watoto 14,000 wanaozaliwa na ugonjwa huo kwa mwaka sawa na watoto 14 kati ya kila watoto 1,000.
Soma zaidi kwenye Rifaly au App ya Tumaini Media
Katika safu hii ya Chimba Chimba Historia ya Kanisa wiki
iliyopita, tuliendelea kuwaletea historia ya Umisionari Amerika ya Kati. Leo tunaendelea na historia ya Umisionari katika Bara la Amerika ya Kusini. Sasa endelea…
Peru ilitekwa na Jenerali Pizarro mwaka 1532-35. Baadaye walifuata kwa wingi wamisionari Wafransiskani na Wadominikani.
Kati ya wamisionari hao, wanajulikana sana Watakatifu Fransis wa Salano (1549 -1619), Mfransiskano na Luiz Betrand (1526 – 1581), Mdominikano.
Mara nyingi tunasoma sana historia ya Mtakatifu wa kwanza mzaliwa wa Peru, Mtakatifu Rosa wa Lima (1586-1617), Mtakatifu Mtawa Mlei Mdominikano Mtersiali, aliyeishi maisha ya ufukara katika familia tajiri, akihudumia wagonjwa na maskini.
Kazi hii ilikamilishwa na Mtakatifu Peter Claver (1580-1654), Mjesuiti aliyefanya utume kati ya watumwa weusi. Peter Claver aliwabatiza mwenyewe watumwa zaidi ya 300,000.
Peter Claver anajulikana kama mtetezi wa haki za binadamu kwa kuwatetea na kuwasaidia watumwa. Na kulikuwa vilevile na Mtakatifu Chotara, Martin de Porres (1570-1639).
Kama chotara alidharauliwa, lakini maisha yake ya utakatifu, huduma kwa wagonjwa na unyenyekevu wake, ulimpa heshima kubwa.
Watakatifu wote hawa, wana historia nzuri ya kutia moyo na kuliwaza. Mtu akipata muda asome historia ya maisha yao.
Peru imekuja kujulikana sana alipochaguliwa Papa Leo IV ambaye ingawa alizaliwa Marekani (USA), sehemu kubwa ya maisha yake ya kimisionari yalikuwa Peru na ana uraia pacha, Marekani na Peru.
Kutoka Peru, Wamisionari waliingia pamoja na wakoloni katika nchi za Venezuela mwaka 1520-40; Yucatan mwaka 1527-47; Colombia mwaka 1530 na Chile mwaka 1540.
Baadaye Wajesuiti, waliinjilisha Paraguay na Brazil iliyokuwa chini ya Ureno. Mwaka 2010 katika nchi hizi za Amerika ya Kusini asilimia 91 ni Wakatoliki na wanafanya asilimia 35 ya Wakatoliki wote duniani.
Brazil peke yake ina Wakatoliki milioni 134.5 ambao ni asilimia 87 ya wakazi wote wa Brazil, Colombia ina Wakatoliki milioni 32.3 au asilimia 91 na Argentina alikotoka Papa Francis, ina Wakatoliki milioni 31.5 au asilimia 91.
Nchi hizi pamoja na Mexico ziko kati ya nchi 10 zenye Wakatoliki wengi duniani.
Uinjilishaji wa Amerika ya Kusini, ulifaulu kwa kuwapata watu wengi ila bahati mbaya mafundisho hayakuwa ya kina. Mara nyingine walibatiza hata watu 14,000 kwa siku na isingelikuwa rahisi kuwafundisha dini vizuri.
Pili, palikuwepo na shida ya lugha. Hawa wamisionari ni wachache, walioelewa lugha ya wenyeji vizuri. Hali ya ukoloni ilichangia kuwachanganya watu kwa kutojua tofauti kati ya wazungu wakoloni na wamisionari.
Ni kweli kwamba wamisionari mara nyingi waliwatetea wananchi wazawa Wahindi Wekundu hali ambayo mara nyingi ilileta kutoelewana kati ya wamisionari na wakoloni wakatili.
• Huko Mexico ndiko Bikira Maria alimtokea Juan Diego hapo Guardarupe na kuomba kanisa lijengwe. Miujiza mingi ilitendeka.
• Tukio hili nchini Mexico, liliharakisha sana uongofu wa wenyeji, kwani Bikira Maria alionekana kama mwanamke wa kiasili (mwenye ngozi ya kahawia), jambo lililowafanya wenyeji wajisikie kukubalika katika Ukristo.
• Ibada ni kubwa huko hata wakati wa Serikali ya kikomunisti bado kila mwaka mamilioni ya wahujaji walienda huko.
Askofu Msaidizi wa Jimbo Kuu la Dar es Salaam, Mhashamu Vincent Mpwaji, akibariki sanduku lililobeba mwili wa marehemu Padri Herman Kachema wa Jimbo Katoliki la Same, wakati wa Adhimisho la Misa Takatifu ya Kumwombea Padri huyo, iliyoadhimishwa katika Parokia ya Maria Immakulata - Upanga, Jimbo Kuu la Dar es Salaam. (Picha na Mathayo Kijazi)
Vijana Waimarishwa wa Sakramenti Takatifu ya Kipaimara wa Parokia ya Mtakatifu Ambrose Tagaste, Jimbo Kuu la Dar es Salaam wakiwa katika adhimisho la Misa Takatifu ya Sakramenti Takatifu ya Kipaimara chao iliyofanyika parokiani hapo hivi karibuni.
Vijana Waimarishwa wa Sakramenti Takatifu ya Kipaimara wa Parokia ya Mtakatifu Mikaeli Malaika Mkuu, Kawe Jimbo Kuu la Dar es Salaam wakiwa katika maandamano kuingia kanisani kwa adhimisho la Misa Takatifu ya Sakramenti Takatifu ya Kipaimara chao iliyofanyika hivi karibuni.
Mapadri kutoka Parokia mbalimbali za Dekania ya Mbezi Luis Jimbo Kuu la Dar es Salaam wakiwa katika picha ya pamoja na Makatekista baada ya Sherehe ya Makatekista wa Dekania hiyo iliyofanyika katika Parokia ya Mtakatifu Anthony Rosemini- Mpiji Magoe. Wa pili kulia mstari wa nyuma ni Mgeni Rasmi wa sherehe hiyo, Mwl. Aristion Celestine.
Dar es Salaam
Na Remigius Mmavele
Kila kinapofika kipindi cha Krismas mwezi Desemba wimbo Kakolela Viva Christmas unasikika sana kwenye Vituo vingi vya Redio nchini Tanzania na maeneo mengine. Mtunzi wa wimbo huo ni Baba Gaston akiwa na bendi yake Orchestre Baba National.
Baba Gaston alizaliwa Julai 5, 1936 katika eneo linaloitwa Likasi mji ambao wakati huo ulikuwa unajulikana kwa jina la Jadotville unaopatikana karibu na Lubumbashi katika mkoa wa Shaba uliopo Mashariki mwa Jamhuri ya Kidemokrasia ya Kongo.Alibadilisha jina lake kuwa Ilunga Chenji Kamanda wa Kamanda Gaston Omer baada ya Rais wa Zaire wakati huo Mobutu Sese Seko kuamuru kwamba raia wa Zaire wabadilishe majina yao ya Kikristo yawe ya kiafrika.
Safari ya muziki ilianza alipopata mafunzo yake mapema kutoka kwa mpiga piano wa Kigiriki, Leonides Rapitis akiwa katika hatua za mwanzo za kujifunza muziki aliimba wimbo maarufu unaoitwa “Barua kwa Mpenzi Gaston” wimbo ambao alitunga na kuimba akiwa bado shuleni. Alipokuwa na umri wa miaka 20 alianzisha bendi yake aliyoipa jina la Orchestre Baba National.
Katika miaka ya 1970 hali ya kisiasa na kiuchumi nchini Zaire sasa Jamhuri ya Kidemokrasia ya Kongo ilikuwa na misukosuko mingi iliyowalazimu wanamuziki wengi kutafuta fursa nje ya nchi yao.
Kutokana na hali hiyo, bendi nyingi za rumba kutoka mashariki mwa Kongo zilianza kusafiri katika nchi mbalimbali za Afrika zikiwemo Zimbabwe, Zambia, Uganda na maeneo mengine.
Dar es Salaam
Na Nicholaus Kilowoko
Kuna michezo mingi sana ulimwenguni ambayo imekuwa ni kipenzi cha watu, lakini tenisi ni mchezo unaofurahiwa na watu wa rika zote na viwango vyote.
Mchezo wa tenisi umekuwa ukivutia watazamaji wake na wachezaji tangu mwanzoni mwa karne ya 12 ilipoanzishwa kwake na hapa kuna baadhi ya ukweli na matukio ya kuvutia yaliyotokea tangu historia ya awali ya tenisi ambayo natamani uyafahamu.
Kabla wachezaji wa tenisi hawajaanza kutumia raketi, watu walitumia viganja vya mikono yao kupiga mpira huku na huko juu ya wavu.
Katika karne ya 12, watu walipata shida ya mikono kuvimba na kuwa mekundu kutokana na mchezo ulioitwa “jeu de paume”, ambao unamaanisha “mchezo wa kiganja” ambapo ilienda hadi karne ya 16 ndipo raketi zilianza kutumika.
Mabadiliko ya rangi ya mpira wa tenisi
Kabla ya mipira ya tenisi kuwa ya rangi ya njano, ilikuwa ya rangi nyeupe.
Ilifika wakati wa mashindano ya Wimbledon mwaka 1986 ndipo mipira ya tenisi ya rangi ya njano ilipoanza kutumika.
Waandaaji waliamini kuwa mpira wa rangi ya njano ungekuwa rahisi zaidi kwa watazamaji kuufuata kwenye televisheni.
Utamkaji wa maneno “Racket” dhidi ya “racquet.”
Katika maajabu mengine ya mchezo huo ni namna ya kutamka maneno ya vifaa vyake ambapo imeufanya kuwa mchezo wa tofauti sana na michezo mingine.
Tahajia ya “racket” ndiyo njia ya kawaida ya kuandika jina la kifaa kinachotumika kuchezea katika michezo ya wavu kama vile tenisi.
Tahajia nyingine ni “racquet”. Neno “racquet” hutumika zaidi katika michezo kama vile ‘squash’ na ‘racketball’.
Ingawa tovuti nyingi zitakuambia kuwa “racket” ndiyo tahajia sahihi, shirika la USTA hutumia neno “racquet” mara kwa mara.
Ndugu walioshinda mara nyingi mataji ya tenisi
Venus na Serena Williams ndio dada wa kwanza kabisa kushinda medali za dhahabu za Olimpiki katika mchezo wa tenisi.
Dada hawa walishinda medali yao ya kwanza ya dhahabu ya Olimpiki katika Michezo ya Olimpiki ya Sydney mwaka 2000 na kwa sasa, wana medali nyingine mbili za dhahabu walizoshinda Beijing mwaka 2008 na London mwaka 2012.
More...
Las vegas, Marekani
Mashindano ya Formula 1 yanaelekea nchini Marekani wikiendi hii kwa ajili ya US Grand Prix huko Austin, Texas, tukio ambalo limekuwa kipenzi kikubwa katika kalenda ya mashindano hayo tangu mbio za kwanza kufanyika hapo mwaka 2012.
Austin ni mojawapo ya matukio matatu ya F1 yatakayofanyika nchini Marekani; Miami ikiandaa mashindano mwezi Mei na Las Vegas ikiandaa mbio za usiku mwezi Novemba.
Umaarufu wa mchezo huu nchini Marekani umekua katika miaka ya hivi karibuni, jambo lililochangiwa kwa kiasi kikubwa na mfululizo wa vipindi vya ‘Drive to Survive’ vinavyooneshwa kwenye Netflix.
Hata hivyo, ni wazi kuwa uhusiano kati ya F1 na Marekani umekuwa wa kupanda na kushuka kwa miaka mingi na baadhi ya mashindano yalifanikiwa sana na kukumbukwa kwa furaha, huku mengine yakiwa hayakuwa na mafanikio makubwa kiasi hicho.
Shirika la F1 liliazimia kufanikisha tukio hili kiasi kwamba liliwekeza dola milioni 500 kununua eneo la ardhi, ambapo lilijenga jengo jipya la huduma za magari (pit building) na eneo la maandalizi (paddock).
Aidha, Las Vegas ina mkataba wa muda mrefu wa kuandaa mbio za F1, angalau hadi mwaka 2037, huku mbio za mwaka huu zikipangwa kufanyika mwezi Novemba.
manchester, Uingereza
Mahakama imeelezwa kuwa bondia na bingwa wa zamani wa dunia, Liam Smith, anadaiwa kumpiga ngumi kichwani mwanaume mmoja wakati mtu huyo akiwa amelala sakafuni na asiye na uwezo wa kusimama.
Smith, ambaye alishikilia taji la WBO la uzani wa ‘light-middleweight’ kuanzia mwaka 2015 hadi 2016, alifika kwa mara ya kwanza katika Mahakama ya Crown ya Manchester kujibu shtaka la kusababisha madhara makubwa ya kimwili kwa makusudi.
Mwanaume huyo mwenye umri wa miaka 38, kutoka Liverpool, hakutakiwa kutoa majibu (kukiri au kukataa) kuhusiana na shtaka hilo, lililotokana na kukamatwa kwake kwa madai ya kumshambulia mfanyakazi wa mapokezi katika jengo la The Blade, lililopo Silvercroft Street, Deansgate, mnamo Septemba 13.
Mahakama ilielezwa kuwa mtu anayedaiwa kushambuliwa, Laurent Nke, alipata majeraha usoni na kulazwa hospitalini.
Katika kikao kifupi cha mahakama, Jaji Tom Gilbart alibainisha kuwa tukio hilo lilinaswa na kamera za usalama (CCTV).
Dar es Salaam
Na Mwandishi Wetu
Mchezaji wa zamani wa timu ya Taifa ya Tanzania, Juma Nyoso ameweka wazi kuwa yupo tayari kucheza katika timu yoyote ili mradi tu watakubaliana kufanya kazi kwa pamoja.
Nyoso amezungumzia kiwango chake cha soka tangu alipokuwa akicheza kwenye vilabu mbalimbali nchini hadi sasa, akifafanua kuwa hajawahi kutangaza rasmi kustaafu soka.
Alisema kuwa katika kipindi chake alichokuwa anacheza, hasira zilimpelekea pia kushindwa kutimiza baadhi ya mambo yake muhimu na kupelekea hata baadhi ya viongozi wa vilabu kumshangaa kutokana na kuwa alikuwa bora katika eneo la nyuma kucheza lakini alishinda kuzuia hasira.
Nyoso alisema kuwa kuna wakati alipata umaarufu kutokana na matukio aliyokuwa akiyafanya hali ambayo ilikuwa inampa nyakati mbaya sana kwake akiwa uwanjani.
“Kuna wakati hali hiyo ilikuwa inaniumiza sana na kunifanya nishindwe kutimiza mambo mengi na kuna mambo mengine yananitafuna mpaka sasa hasa lile tukio la John Bocco kitu ambacho mpaka sasa kila ukipita unanyooshewa kidole,” alisema Nyoso.
Dar es Salaam
Na Mwandishi Wetu
Mchezaji wa zamani wa timu ya Taifa ya Tanzania, Juma Nyoso ameweka wazi kuwa yupo tayari kucheza katika timu yoyote ili mradi tu watakubaliana kufanya kazi kwa pamoja.
Nyoso amezungumzia kiwango chake cha soka tangu alipokuwa akicheza kwenye vilabu mbalimbali nchini hadi sasa, akifafanua kuwa hajawahi kutangaza rasmi kustaafu soka.
Alisema kuwa katika kipindi chake alichokuwa anacheza, hasira zilimpelekea pia kushindwa kutimiza baadhi ya mambo yake muhimu na kupelekea hata baadhi ya viongozi wa vilabu kumshangaa kutokana na kuwa alikuwa bora katika eneo la nyuma kucheza lakini alishinda kuzuia hasira.
Nyoso alisema kuwa kuna wakati alipata umaarufu kutokana na matukio aliyokuwa akiyafanya hali ambayo ilikuwa inampa nyakati mbaya sana kwake akiwa uwanjani.
“Kuna wakati hali hiyo ilikuwa inaniumiza sana na kunifanya nishindwe kutimiza mambo mengi na kuna mambo mengine yananitafuna mpaka sasa hasa lile tukio la John Bocco kitu ambacho mpaka sasa kila ukipita unanyooshewa kidole,” alisema Nyoso.
